Urwego rw’Igihugu rushinzwe Ubugenzacyaha (RIB) kuwa 13 Mata 2021 rweretse itangazamakuru abantu 12 barimo umugore umwe bakurikiranweho ibyaha bishingiye ku kwiba no kwica bakoresheje intwaro. Igitangaje, imbunda bakoresheje yaguzwe mu mafaranga y’inkwano y’umwe mu bakurikiranwe muri iyi dosiye. Umuvugizi wa RIB, Dr Thierry Murangira yabwiye Popote TV ko imbunda yakoreshejwe yaguzwe muri Repubulika Iharanira demokarasi ya Congo. Ni ibyaha byakorewe mu Mirenge itandukanye yo mu Karere ka Rusizi, mu batawe muri yombi hakaba harimo umudemobe ndetse n’undi mugabo wahoze muri Loko Difensi (Local Defence Force). Bakoresheje imbunda ndetse bambara imyenda ya gisirikari kugira ngo batamenyekana, hazakekwe abashinzwe umutekano. Uwishwe ni umugore, RIB ivuga ko yagambaniwe n’umugabo we ndetse uwo mugabo abishe basiga bamuziritse mu rwego rwo kuyobya uburari, ariko mu iperereza aza kwemera icyaha. Kurikira.
