Musabyimana Anitha wo mu Karere ka Nyanza afite ubumuga bwo kutabona. Amaze kubyara abana batatu ariko ikibabaje ni uko babiri muri bo yababyaye afashwe ku ngufu. Ubwa mbere yafashwe ku ngufu mu rugo rw’umupasiteri i Gitwe, uwamufashe asimbuka urukuta. Nyuma yaho na bwo yafashwe ku ngufu abyara umwana ubu ufite imyaka 7 y’amavuko. Ikimushengura umutima ni uko abamufashe bose atababonye amasura kuko atabona, ndetse bakaba batarafatiwe mu cyuho bityo bigatuma inzego z’ubutabera zitabasha kumurenganura. Ni mu buhamya yahaye Popote TV.
