Perezida wa Repubulika y’u Burundi Pierre Nkurunziza yitabye Imana mu gitondo cy’ejo kuwa Mbere.
Perezidansi y’u Burundi yatangaje ko Nkurunziza yaguye mu bitaro byitwa “Hopital du Cinquantenaire de Karusi” azize uburwayi bw’umutima.
Amakuru y’urupfu rwa Perezida Nkurunziza yabanje gutangazwa n’abantu batandukanye baruhuza na Koronavirusi, ariko anyomozwa na Willy Nyamitwe, umujyanama wa Nkurunziza.
Très attristé par le décès inopiné de SE @pnkurunziza, Président de la République & Guide Suprême du Patriotisme. Contrairement aux rumeurs, il a été victime d’un arrêt cardiaque. Le @BurundiGov annonce un deuil de 7 jours et adresse ses condoléances à la famille et à la Nation. https://t.co/z0quFqSi3K
— Amb. Willy Nyamitwe (@willynyamitwe) June 9, 2020
Kuri iyi nshuro ariko, Willy Nyamitwe na we yemeje urupfu rwa Nkurunziza, aboneraho gutangaza ikiriyo cy’iminsi irindwi ku rwego rw’igihugu.
Urupfu rwa Nkurunziza ruje rutunguranye, kuko nk’uko itangazo rimubika ribivuga, kuwa Gatandatu tariki 6 Kamena ari mu barebye umukino wa Volleyball i Ngozi.
Mu ijoro ry’uwo munsi ni bwo yatangiye kumererwa nabi, ajyanwa kwa muganga, bukeye aroroherwa ndetse aganira n’abantu bari kumwe na we.
Ku munsi wakurikiyeho, ni ukuvuga mu masaha ya mbere ya saa sita kuwa Mbere tariki 8 Kamena, yamerewe nabi mu buryo butunguranye umutima uhita uhagarara.
Itangazo rya Guverinoma y’u Burundi rivuga ko itsinda ry’abaganga banyuranye ryakoze ibishoboka byose ngo riramire ubuzima bwe, hakoreshwa imashini zongerera abantu umwuka, ariko biba iby’ubusa.
URGENT: Le Gouvernement de la République du Burundi annonce avec une très grande tristesse le décès inopiné de Son Excellence Pierre Nkurunziza, Président de la République du Burundi, survenu à l’Hôpital du Cinquantenaire de Karusi suite à un arrêt cardiaque ce 8 juin 2020. pic.twitter.com/PP46kKzAM5
— Burundi Government (@BurundiGov) June 9, 2020
Comment:RIP Mr President !