Mudahogora Ernestine yarokotse Jenoside yakorewe Abatutsi mu Karere ka Bugesera aho bari batuye i Ntarama, ariko Jenoside yahitanye benshi bo mu muryango we. Kuri ubu, ngo ntabasha kumva impamvu hari abahakana Jenoside yakorewe Abatutsi bavuga ko itabaye, mu gihe we ubwe afite inkovu nyinshi z’imihoro bamutemye. Nyuma yo kurokoka Jenoside, mu minsi ishize yatemwe iruhande rw’ijisho n’umuntu wamunyuze iruhande ari kuri moto, azamuka ava ku Bitaro bya King Faisal. Urugendo rw’ubuzima bwe ruteye agahinda. N’ikiniga cyinshi yadusobanuriye uko Jenoside yakorewe mu Bugesera, by’umwihariko i Ntarama, n’uko yayirokotse. Kurikira.
