Muri iyi video, twagukusanyirije ibitekerezo by’abamotari batandukanye ku ngingo yo kuba Leta yanzuye ko gutwara abantu kuri moto n’ingendo zijya mu ntara bikomeza gufungwa.
Byari biteganyije ko ibyo bikorwa byombi bitangirana na tariki 1 Kamena, nyuma y’amezi asaga abiri bihagaritswe, aho byahagaritswe kuwa 21 Werurwe mu gukumira Koronavirusi.
Abamotari baganiriye na Popote.rw, bavuga ko batunguwe no kwisubiraho kwa Leta ku cyemezo cyari giherutse gufatwa n’Inama y’Abaminisitiri cyo gufungura ibikorwa byabo.
Benshi bavuga ko Leta bayifata nk’umubyeyi bityo ko umwanzuro yafashe ubwo yabonye ko ukwiye, ariko bakagaragaza ibibazo by’ubukene bamazemo iminsi kubera kudakora.
Hari abavuga ko bugarijwe n’amadeni, abandi bagasaba ko niba hagaragaye abantu 5 barwaye COVID-19 mu Karere ka Rusizi, ari ko konyine kashyirwa mu kato.
Reba ikiganiro cyose hano hasi:
